Sunday, January 16, 2011

புலம்பெயர்ந்த சிந்தனை !!


நளவெண்பா பயிலவேண்டாம் 

நன்னூல் நவிலவேண்டாம் 

குறளேதும் அறியவேண்டாம் 

பகுத்தறிவு பகலவேண்டாம்

அறிவியல் அறிய  வேண்டாம்

ஒழுக்கமேதும் இருக்கவேண்டாம் 

சமுதாய சிந்தனை வேண்டாம் 

மனிதமென்று ஒன்றும் வேண்டாம்

ஆனால் ...

கடல்தாண்டிய பணி வேண்டும்

கைநிறைய பணம் வேண்டும்

தமிழறிந்த  மடந்தை வேண்டும்

நம்வழி  மறக்க வேண்டும்

பிறர்வழி நடக்க வேண்டும்

வந்தேரியாய் வாழவேண்டும்

வளர்த்த மண்ணை வசைபாடவேண்டும்

இருந்தும் …

தம்மக்கள் தமிழ்பேச வேண்டும்

உடன்படா இவ்வாழ்க்கை விட்டு

என்றேனும் திருநாடு திரும்பவேண்டும் !!

Post a Comment